АҚШ Қуролли кучлари Марказий қўмондонлиги Ўзбекистонда ҳарбий база очилиши ҳақидаги хабарларни рад қилди

Аввал хабар берилганидек, бир қатор интернет нашрларида Ўзбекистон ҳудудида АҚШ ҳарбий базаси очилиши ҳақида хабарлар тарқаган эди. АҚШ Қуролли кучлари Марказий қўмондонлиги матбуот котиби майор Брайан Фикель ушбу хабарни рад қилди. “генерал Ллойд Остин АҚШнинг Ўзбекистонда қандайдир ҳарбий база очиш ҳақидаги режаларидан хабари йўқ. У Ўзбекистон раҳбарияти билан ушбу масалада музокара олиб боргани йўқ.”

Унинг қайд этишича, генерал Остин сафари давомида Ўзбекистон президенти Ислом Каримов ва бошқа амалдорлар билан мулоқот олиб борди. “Уларда қўшни Афғонистондаги ҳарбий амалиёт муҳокама қилинмади”, деди АҚШ Қуролли кучлари Марказий қўмондонлиги матбуот котиби.

Эслатиб ўтамиз, бундан аввалроқ АҚШ элчихонаси бу хабарларни рад қилди. Элчихона вакилининг “Новый век” газетасига маълум қилишича, “Американинг Ўзбекистонда ҳарбий база очишга қаратилган ҳеч қандай режалари, хатти-ҳаракати ёки музокаралари олиб бораётгани йўқ ва бўлмайди ҳам”.